माझा परिचय :
मी संगीता वेरूळे ( पुणे) मागील २० वर्षांपासून कला क्षेत्रात कार्यरत आहे. विविध प्रकारच्या हँडीक्राफ्ट वस्तू , पेंटिंग्ज, रांगोळी प्रकार, हॅण्डमेड बॅग्ज , मोती वर्क , म्यूरल्स , सण - सजावटीच्या वस्तू बनवित आहे , तसेच फॅशन डिझायनींग हे सुद्धा माझे आवडते क्षेत्र आहे, त्याचे विविध कोर्सेस सुद्धा घेतले जातात. थोडक्यात सांगायचे तर आपणांस जर कलेची आवड / छंद असेल आणि आपण काही नाविन्यपूर्ण गोष्टींच्या शोधात असाल तर 'कलाकृती' हे आपल्यासाठी अगदी योग्य ठिकाण आहे.

छंद जोपासणे म्हणजे काय तर आपल्या आवडत्या गोष्टीत रममाण होणे , आपले हस्तकौशल्य वापरून एखादी छानशी वस्तू बनविली कि मनाला आनंद तर वाटतोच पण त्याबरोबरच विरंगुळा मिळतो , करमणूक होते. वस्तू कशा बनवाव्यात , त्यासाठी काय साधनसामुग्री लागते, त्या आकर्षक बनविण्यासाठी काय करावे लागते तसेच विणकाम, भरतकाम, शिवणकाम याबद्दलची पूर्ण माहिती इथे आपणांस मिळेल.

मी बनविलेल्या कलात्मक वस्तू , कोर्सेस बद्दलची पूर्ण माहिती आपण याच वेबसाईटवर पाहू शकता. ऑर्डर करू शकता, शिकू शकता आपण फोन / इ-मेल द्वारे संपर्क करू शकता.